Արդեն որոշ թերթեր գրել են այն մասին, որ Ադրբեջանի ձյուդոյի հավաքականը ժամանելու է Երեւան` մասնակցելու սեպտեմբերի 11-14-ը տեղի ունենալիք ձյուդոյի Եվրոպայի երիտասարդական առաջնությանը:
Եթե այս հարցի պատասխանը որոնենք լրատվամիջոցներում տեղ գտած նյութերում, ապա հայկական լրատվամիջոցները դեռ չեն շտապում որեւէ վերաբերմունք արտահայտել:
Ադրբեջանական լրատվամիջոցները շեշտը դնում են ադրբեջանցի ձյուդոյիստների անվտանգության վրա. «Ադրբեջանի ձյուդոյի ֆեդերացիան դիմել է Հայաստանի պետական մարմիններին մեր ձյուդոյի հավաքականի անվտանգությունը դիվանագիտական ուղիներով պաշտպանելու համար»,- day.az-ին տված հարցազրույցում նշել է Ադրբեջանի ձյուդոյի ֆեդերացիայի գլխավոր քարտուղար Զայիր Մամեդովը:
Ինչ վերաբերում է անվտանգությանը, պատերազմից հետո առաջին քայլը կրկին մենք կատարեցինք` 2007 թվականին մեր հավաքականի մասնակցությամբ Բաքվում կայացած ըմբշամարտի աշխարհի առաջնությանը:
armsport.am-ը տեղեկացնում է, որ Զաիր Մամեդովի գլխավորած պատվիրակության կազմում Հայաստան պետք է ժամանեն չորս մարզիչներ, ութ մարզիկներ և մեկ մրցավար: Ադրբեջանի հայտը վերջնական է, սակայն հետագայում չեն բացառվում փոփոխություններ:
Մամեդովը day.az-ին հայտնել է նաեւ, որ ադրբեջանցի ձյուդոիստները չեն փախչում մրցակցությունից եւ համոզված են, որ առաջնությունում կբարձրացնեն ադրբեջանական դրոշը:
Հիշեցնենք միայն, որ մինչ մասնակցության հայտը ներկայացնելը Ադրբեջանի ձյուդոյի ֆեդերացիան հայտնել էր, որ Երեւան չեն ժամանի, մինչեւ չստանան Ադրբեջանի իշխանությունների թույլտվությունը:
Share on Facebook
About the author
Ani Hovhannisyan wrote 140 articles on this blog.
Նկարագրություն չկա: Խնդրում ենք ստեղծել Ձեր անձնական էջը.