Archive for May, 2010

Սարդի նոր համահեղինակն Ավստրալիայից

Wednesday, May 12th, 2010

Վիգեն Գալստյան․ վենետիկյան երեկո

ԵրիտաՍարդ Վիգեն Գալստյանը դառնում է Սարդ բլոգի համահեղինակ. աչքներս լույս։

Կինոգետ է, ռեժիսոր․ գրեթե ամեն տարի կարեւոր նախաձեռնություններով է հանդես գալիս մշակույթի ոլորտում :

Հետաքրքրությունները` կինո, արվեստ, ճարտարապետություն: Այժմ բնակվում է Ավստրալիայում` գլխավորելով «Հայաս» մշակութային կազմակերպությունը:

Մենք՝ սարդիստներս, մեծ սիրով համագործակցում ենք բոլոր բանիմաց հայ երիտասարդների հետ՝ աշխարհի որ ծայրում էլ նրանք լինեն, քանի որ կարեւորում ենք  երիտաՍարդական ներուժը լիարժեք եւ առողջ հասարակություն ունենալու համար։

Վիգեն Գալստյանը, ով այսօրվանից լրացնում է սարդիստների շարքը, կկիսվի բլոգի ընթերցողների հետ՝ իր մշակութային մեկնաբանություններով։

Սպասեք Վիգենի նյութերին․․․

Դաստակերտի ուտոպիան. 317 բնակիչ ունեցող քաղաքը գյուղ չի կարող դառնալ

Wednesday, May 12th, 2010

Լուսանկարը` Գերման Ավագյանի

Պաշտոնական տվյալներով Հայաստանի ամենափոքր քաղաք համարվող Սյունիքի մարզի Դաստակերտ քաղաքն ունի 0,3 հազար բնակչություն:

Խորհրդային տարիներին պղնձամոլիբդենային հռչակավոր եւ առեղծվածային կոմբինատով հայտնի քաղաքային համայնքն այսօր մեծ մասամբ ավերակների է վերածվել, որոնց վրա դաստակերտիցները մի կերպ ապրում են իրենց կյանքը` ոչ մի հստակ պատկերացում չունենալով քաղաքի ապագայի մասին:

40-ից ավելի փոքրիկ դաստակերտցիների համար պղնձամոլիբդենային կոմբինատի առեղծվածը գոյություն չունի. Խորհրդային միության կարեւոր գործարաններից մեկի ավերակները նրանց համար այսօր վտանգավոր խաղահրապարակի է վերածվել: Դաստակերտը քաղաք է, որն այսօր գյուղ չի կարող դառնալ, քանի որ համայնքի տարածքում գյուղատնտեսական նշանակության հողեր չկան, իսկ հարեւան համայնքերում չկան հարմար գյուղտնտնտեսական հողեր` համայնքին տալու համար:

(more…)

Ինդուստրիալ սիմֆոնիա. Ճարտարապետական լուսանկարչության մրցույթ-ցուցահանդես

Wednesday, May 12th, 2010

«Մեխանիկական գործարանի շենքը Երեւանում», Լուսանկարները տրամադրել է Վիգեն Գալստյանը

«Հայաս» մշակութային կազմակերպությունը հայտարարել է մրցույթ-ցուցահանդեսի մասին, որի նպատակն է լույս սփռել Հայաստանիարդյունաբերական ճարտարապետության արհամարանքի մատնված ժառանգության վրա: Հարյուրավոր գործարաններ, արտադրամասեր և կայաններ մի ժամանակ Հայաստանի հզոր տնտեսության հիմքն էին կազմում: Շատերի հեղինակները մեր լավագույն ճարտարապետներից էին` Թամանյան, Մազմազյան, Քոչար, Չիսլիև, Մարգարյան, Իսրաելյան: Այժմ, մեծ մասամբ այդ շենքերը լքված են կամ էլ կերպարանափոխված: Սակայն կասկածից վեր է, որ դրանցից շատերը ունեն ճարտարապետական մեծ արժանիքներ և լուսանկարչի խնդիրն է ցույց տալ այս մեքենայական աշխարհի ներհատուկ գեղեցկությունը:

Չնայած մրցույթի առանցքը Երևանի թեման է, մենք հորդորում ենք մասնակիցներին ուսումնասիրել Հայաստանի այլ արդյունաբերական կենտոնները` Ալավերդին, Գյումրին, Քաջարանը և այլն: Մենք փնտրում ենք ճարտարապետական տարածության հավաստի գեղարվեստական վերլուծությունների և ոչ թե սոսկ վավերագրական կադրերի:

(more…)

Այցելություն

Monday, May 10th, 2010

Որոշվածի պես գիշերով բարձրացանք Եռաբլուր… Ամբողջ ճանապարհը ոտքով անցանք, քանի որ մեքենայի անվադողերը չէին կարող տեղափոխել այն ոգին, որ կար մեր մեջ: Հասանք տեղ. թույլ լուսավորված բլուր բարձրացող ճանապարհով քայլում էինք խրոխտ` անկախ մեզանից… Հայրենասիրական երգեր էինք ուզում երգել, բայց համալսարանավարտներիցս եւ ոչ մեկն էլ բառեր չգիտեր: «Գետաշենն» էր միակ երգը, որ հիշեցինք, իսկ երբ այն շատ էր կրկնվում, հիմնից կպանք… Չէինք կարող չերգել, հաղթանակած էինք, հազիվ սոցիումից դուրս էինք մնացել ու ոգի ունեինք:

erablur

Հեռվում նկատվող գերեզմանաքարերը լռեցրին մեզ: Սովորական քառակուսի քարեր էին, անվան եւ տարեթվերի փորագրությամբ, որ ստիպում էին մոտենալ իրենց, ողջունել ձեռքսեղմումով: Մի մեծ ջերմություն եւ ակնածանք էր թաքնված փոքրիկ ձեռքիս եւ քառակուսի քարի միջեւ. ընկալում էի բոլոր մարդ-քարերին առանձին-առանձին, զգում էի, թե որքան տարբեր ԱՆՀԱՏների կողքին եմ հիմա:

(more…)

«Սարդիստ»-ներն ի վերջո կնքեցին զինադադարը

Monday, May 10th, 2010

Սրանից մի քանի ամիս առաջ բլոգում Սարդիստական պատերազմ էր` սարդիստներն ընդդեմ սարդիստների: Եթե հիշում եք, Տեր Հոր մասին նյութը պատճառ դարձավ, որ Սարդի ընթերցողները մի մեծ քննարկում ծավալեն եկեղեցու գործունեության մասին: Քննարկումը, սակայն, հետագայում վերածվեց կռվի` հարուստ անձնական վիրավորանքներով: Այս կռվի գլխավոր հրամանատարներից էր Միկօն, ով որոշ ժամանակ անց սկսեց չերեւալ բլոգում:

Մոտ երկու օր առաջ սոցիալական ցանցի միջոցով ինձ գրում է Մոմիկ Վարդանյանը: Նա ասաց, որ փոքր-ինչ մասնակցել է Սարդում ընթացող պատերազմին եւ առաջարկում է հանդիպել` քննարկելու բլոգում տեղ գտնող նյութերը, գրառումները եւ այլ հարցեր:

Եւ այսպես, հաջորդ օրն իսկ հանդիպեցինք սարդիստներից մի քանի հոգով` Momik, Miko, Natasha եւ Spiderone. ԱՄՆ-ից նաեւ մեզ էր միացել Avgustin-ը իր բարեւներով ու կարծիքներով:

Քննարկեցինք Սարդի դիզայնի, թեմատիկ ուղղությունների հետ կապված հարցեր եւ որոշեցինք ընթերցողների օգնությամբ որոշակի փոփոխություններ անել, ինչի արդյունքը կտեսնեք շուտով:

Սարդի ընթերցողներից Մոմիկ Վարդանյանն այժմ բլոգի համահեղինակներից է եւ ընթերցողների պատվիրակը Սարդում:

Իսկ բլոգում հատուկ ճանաչում գտած Միկօյի հետ պարզեցինք բոլոր տեսակի վիճաբանությունների պատճառները, կրկին քննարկեցինք հոգեւորականության մասին բլոգում տեղ գտած եւ գտնելիք նյութերի արդյունավետությունը:

Վերջում , ինչպես Միկօն նշեց, եկանք մի համաձայնության` չհամաձայնելու:

Հանդիպումն ավարտվեց խաղաղ պայմաններում, ինչը ե՛ւ ես, ե՛ւ ընթերցողները որակեցին հիմք` նոր սարդոստայն հյուսելու: )

ՏԱՔՍԻՍՏԸ – թարմ պատմվածք

Saturday, May 8th, 2010

-Տղա ջան, էտ դու չես ծխո՞ւմ:

-Ծխում եմ ձյաձ ջան:

-Բա խի՞ չես ծխում:

-Չեմ ուզում:

-Զարմանալի է:

-Խի՞:

-Դե տղա աղջիկ, ով նստում ա, առաջինը պապիրոսն ա կպցնում:

-Դե մեկ-մեկ իմ մոտ էլ ա ստացվում: Ասիր` ուզեցի ծխեմ: Ձյաձ ջան, կարելի ա՞ մեքենայիդ մեջ ծխեմ:

-Ո՞նց չի կարելի: Ծխի, թող օջախի ծուխը միշտ անպակաս լինի: Ծխի, թող մի հատ թոքերդ սեվանա, որ զգաս ապրում ես: Ծխի, ցավտ տանեմ:

(more…)

Ազատություն բոլորիդ…

Tuesday, May 4th, 2010

Մամուլի ազատության համաշխարահային օրը Հետքի լրագրողներով որոշեցինք թերթ նվիրել մարդկանց, քանի որ ազատ ու անկողմակալ ինֆորմացիան այդ օրվա ամենալավ նվերը կարող էր լինել: Մի ֆոտոպատմություն մեր արկածների մասին.

DSCN9278

Նատաշան կարուձեւում է Գրիշայի ազատության կոչը

DSCN9285

Արմանը հավաքում է թերթերը, պայմանավորվում լրագրողների հետ եւ չի մոռանում շտապեցնել մեզ

(more…)

Ազատ ինֆորմացիայի բաժանում՝ ինֆորմացիայի ազատության օրը

Saturday, May 1st, 2010

Մայիսի 3-ը․ երկուշաբթի․  Մամուլի ազատության համաշխարհային օր ․

Հետք շաբաթաթերթը, լինելով ազատ ինֆորմացիայի տարածման կողմնակից եւ միջոց, այս օրը չի իրականացնի ոչ մի ձեւական միջոցառում։ Քանի որ մենք կարծում ենք, որ ազատ ինֆորմացիան դեռեւս հասանելի չէ մեր պետությունում ապրող բոլոր քաղաքացիներին, որոշել ենք այն հասանելի դարձնել շատերին։ Հետքը եւս մեկ անգամ հայտարարում է, որ չի ֆինանսավորվում որեւէ քաղաքական ուժի կամ այլ ուժերի կողմից, որոնք կարող են արգելք հանդիսանալ ազատ ինֆորմացիայի տարածմանը։

Հետքում տեղ են գտնում անկողմնակալ նյութեր հենց մեր՝ հայաստանցիներիս, խնդիրների, իրավունքների խախտումների, ինչպես նաեւ գործարարների եւ մոնոպոլների անօրինական գործունեության մասին։ Բայց քանի որ Հետքը մեծ միջոցներ չունի այս նյութերը հասցնել հասարակության բոլոր անդամներին եւ հատկապես մարզում բնակվող գյուղացիներին, ԿԱԶՄԱԿԵՐՊՈՒՄ ԵՆՔ  «ՀԵՏՔ»ԱԲԱԺԱՆՈՒԹՅՈՒՆ

Երկուշաբթի օրը (ժամը 13։30-որքան ուզենք) Հանրապետության հրապարակում բաժանելու ենք «Հետք» շաբաթաթերթը բոլոր անցորդներին։ Թերթերը դրված կլինեն Պատմության թանգարանի դիմաց, պատրաստ են նաեւ մի քանի պլակատներ, որոնք կոչ են անում ինֆորմացիայի ազատությանը։

Բոլոր նրանք, ովքեր ուզում են տարածել ազատ լրատվամիջոցի գաղափարը, ուզում են ունենալ ազատ լրատվություն, ազատ ապրելակերպ, առաջարկում ենք միանալ մեզ։  Մանրամասների համար զանգահարել՝ 098988014 կամ գրեն ani@hetq.am հասցեին։