Posts Tagged ‘chanaparh’

«Ճանապարհը միայն կետերի միացում»…

Thursday, December 17th, 2009

wayԳիշերը բարձր ջերմություն ունեի. այն ջերմություններից, որոնք բարձրանում են քեզ համար կարեւոր իրադարձությունների նախորդ օրերին: Գիտեի, որ առավոտյան պիտի ճանապարհ գնամ: Ողջ գիշեր համոզում էի ջերմությանս, որ իջնի… Իջավ:

Առավոտյան արթնացա ճանապարհիս ընկերներից մեկի զանգից. ասում էր` էս դեռ քնա°ծ ես, ես արդեն քո հետեւից եմ գալիս… Արագ հագնվեցի (դա ինձ մոտ համարյա թե չի ստացվում), լվացվեցի, հետո նոր հասկացա, որ ջերմություն չունեմ… ուրախացա…

Նստեցի տաքսի, բարեւեցի ճանապարհակցիս, նայեցի վարորդին… բարի, բայց մունաթ հայացք ուներ. մտածեցի` դե մարդա էլի, դա էլ իր հայացքն ա… տեղավորվեցի հետեւում` պատուհանի մոտ, լավն էր տեղս:

Տեղավորվելուց հետո, սովորաբար, մտածում եմ` տեսնես այս անգամ ինչ եմ տեսնելու ճանապարհներին, ինչ է ինձ տալու այս ճանապարհը…

(more…)

Սովորական մի օր… Ընթերցողի խոհեր

Friday, December 11th, 2009

the usual dayԱրթնացա ինչպես միշտ` գզգզված, արդեն 1 ամիս չսանրած մազերով, գլխացավով:

Դուրս եկա տնից:

Այլ իրականություն: Արեւ է:

Ինչպես միշտ` ճանապարհին փորձում եմ հիշել` լվացվեցի, թե ոչ:  Հարեւան տանտիկիններից մեկը` իր մաքրասիրությամբ հռչակված տիկին Ասյան, ավլում է իրենց տան բակն ու աղբը նետում փողոց` հենց ճանապարհին:

Եկավ 95 համարը: Նստում եմ, ավելի ճիշտ` խցկվում: Մի տեսակ ստորացված եմ զգում  այս վիճակից: Մտքիս մեջ սկսում եմ անխնա հայհոյել, փորձում եմ վերհիշել ամենաթունդ հայհոյանքները կամ նորից հորինել դրանցից: Փորձե°լ եք: Զվարճալի է: Հիմարությու’ն:

(more…)